قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ  №397 

  2015 جىلعى 31 ناۋرىز, استانا قالاسى قازاقستان رەسپۋبليكاسى ەنەرگەتيكا مينيسترلىگىنىڭ 2015 جىلعى 31 ناۋرىز №257 استانا قالاسى بىرلەسكەن بۇيرىعى ۇلتتىق كومپانيانىڭ ۇلەستىك قاتىسۋى كوزدەلەتىن كەلىسىمشارتتاردا ۇلتتىق كومپانيانىڭ مەملەكەتتىك مۇددەلەردى ءبىلدىرۋ قاعيدالارىن بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسى زاڭىنىڭ 31-بابى 1 -تارماعىنىڭ 2) تارماقشاسىنا سايكەس بۇيىرامىز: 1. قوسا بەرىلىپ وتىرعان ۇلتتىق كومپانيانىڭ ۇلەستىك قاتىسۋى كوزدەلەتىن كەلىسىمشارتتاردا ۇلتتىق كومپانيانىڭ مەملەكەتتىك مۇددەلەردى ءبىلدىرۋ تۋرالى قاعيدالارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ جەر قويناۋىن پايدالانۋ دەپارتامەنتى: 1) وسى بۇيرىقتىڭ زاڭنامامەن بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ, ەنەرگەتيكا ۆيتسە-مينيسترلەرىنە جۇكتەلسىن. 4. وسى بۇيرىق ونىڭ العاشقى رەسمي جاريالانعان كۇنىنەن باستان كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ____________ ءا. يسەكەشەۆ قازاقستان رەسپۋبليكاسىنىڭ ەنەرگەتيكا ءمينيسترى __________ۆ.شكولنيك قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 31 ناۋرىزداعى №397 جانە قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 31 ناۋرىزداعى №257 بىرلەسكەن بۇيرىعىمەن بەكىتىلگەن ۇلتتىق كومپانيانىڭ ۇلەستىك قاتىسۋى كوزدەلەتىن كەلىسىمشارتتاردا ۇلتتىق كومپانيانىڭ مەملەكەتتىك مۇددەلەردى ءبىلدىرۋ قاعيدالارى 1. جالپى ەرەجەلەر 1. وسى ۇلتتىق كومپانيانىڭ ۇلەستىك قاتىسۋى كوزدەلەتىن كەلىسىمشارتتاردا ۇلتتىق كومپانيانىڭ مەملەكەتتىك مۇددەلەردى ءبىلدىرۋ قاعيدالارى «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسىنىڭ زاڭىنا (بۇدان ءارى - قاعيدالار) سايكەس ازىرلەنگەن جانە ۇلتتىق كومپانيانىڭ ۇلەستىك قاتىسۋى كوزدەلەتىن كەلىسىمشارتتاردا ۇلتتىق كومپانيانىڭ مەملەكەتتىك مۇددەلەردى ءبىلدىرۋ ءتارتىبىن ايقىندايدى. كەلىسىمشارتتاردا ۇلتتىق كومپانيانىڭ مەملەكەتتىك مۇددەلەردى ءبىلدىرۋى جەر قويناۋىن پايدالانۋ سالاسىنداعى بىرىڭعاي مەملەكەتتىك ساياساتتى ۇلەستىك قاتىسۋ ارقىلى ىسكە اسىرۋ تارتىبىمەن جۇزەگە اسىرىلادى. 2. وسى قاعيدالاردا مىناداي ۇعىمدار پايدالانىلادى: 1) كەلىسىمشارتتا مىندەتتى قاتىسۋ ۇلەسى - پايىزبەن كورسەتىلگەن كەلىسىمشارتقا ۇلتتىق كومپانيانىڭ قاتىسۋ; 2) وپەراتور - كەلىسىمشارتتى ورىنداۋعا بايلانىستى قىزمەتتى جەدەل باسقارۋدى جانە ەسەپكە الۋ-ەسەپ بەرۋ وپەراتسيالارىن جۇزەگە اسىراتىن, ونىڭ ءىس-ارەكەتى ءۇشىن جەر قويناۋىن پايدالانۋشىلار م ۇلىكتىك جاۋاپكەرشىلىكتە بولاتىن, قۇزىرەتتى ورگاننىڭ جازباشا حابارلاماسى بويىنشا قازاقستان رەسپۋبليكاسىنىڭ زاڭناماسىنا سايكەس جەر قويناۋىن پايدالانۋشىلار قۇراتىن نەمەسە بەلگىلەيتىن زاڭدى تۇلعا; 3) كەلىسىمشارت - قازاقستان رەسپۋبليكاسىنىڭ زاڭناماسىندا بەلگىلەنگەن قۇزىرەتكە سايكەس قۇزىرەتتى ورگان نەمەسە جەر قويناۋىن زەرتتەۋ مەن پايدالانۋ جونىندەگى ۋاكىلەتتى ورگان نەمەسە وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانى مەن جەكە جانە (نەمەسە) زاڭدى تۇلعا اراسىنداعى پايدالى قازبالاردى بارلاۋدى, ءوندىرۋدى, بىرلەسكەن بارلاۋ مەن ءوندىرۋدى جۇرگىزۋگە نە بارلاۋمەن جانە (نەمەسە) وندىرۋمەن بايلانىستى ەمەس جەراستى قۇرىلىستارىن سالۋعا جانە (نەمەسە) پايدالانۋعا نە جەر قويناۋىن مەملەكەتتىك گەولوگيالىق زەرتتەۋگە ارنالعان شارت; 4) قۇزىرەتتى ورگان – ەگەر قازاقستان رەسپۋبليكاسىنىڭ زاڭدارىندا جانە قازاقستان رەسپۋبليكاسى پرەزيدەنتىنىڭ اكتىلەرىندە وزگەشە بەلگىلەنبەسە, كەڭ تارالعان پايدالى قازبالاردى بارلاۋعا, وندىرۋگە ارنالعان كەلىسىمشارتتاردى قوسپاعاندا, بارلاۋعا, وندىرۋگە, بىرلەسكەن بارلاۋ مەن وندىرۋگە ارنالعان كەلىسىمشارتتاردى جاساسۋعا جانە ورىنداۋعا بايلانىستى قۇقىقتاردى قازاقستان رەسپۋبليكاسىنىڭ اتىنان ىسكە اسىرۋدى جۇزەگە اسىراتىن, قازاقستان رەسپۋبليكاسىنىڭ ۇكىمەتى ايقىندايتىن ورتالىق اتقارۋشى ورگان. 2. كەلىسىمشارتتاردا مەملەكەتتىك مۇددەلەردى ءبىلدىرۋ ءتارتىبى 3. مەملەكەتتىك مۇددەلەردى ءبىلدىرۋ ولارعا بەكىتىلگەن وكىلەتتىكتەر شەگىندە, كەلىسىمشارتتاردا ۇلەستىك قاتىسۋ قۇقىعىن جۇزەگە اسىرۋ ارقىلى ىسكە اسىرىلادى. 4. ۇلتتىق كومپانيا كەلىسىمشارتتارداعى قاتىسۋ ۇلەستەرىن باسقارۋدى كەلىسىمشارتتاردا كوزدەلگەن ورگاندار, بىرلەسكەن قىزمەت تۋرالى شارتتار جانە وپەراتورلاردىڭ قۇرىلتاي قۇجاتتارى (كونسورتسيۋمدار قۇرىلعان جاعدايدا) جانە نەمەسە جارعىلىق كاپيتالىنا بىرلەسكەن قاتىساتىن ۇيىمداردىڭ قۇرىلتاي قۇجاتتارى ارقىلى جۇزەگە اسىرادى. 5. كەلىسىمشارتتى ورىنداۋ كەزىندە ۇلتتىق كومپانيا وزگە جەر قويناۋىن پايدالانۋ قۇقىعىن يەلەنۋشىلەرمەن كەلىسىمشارتتا كوزدەلگەن جەر قويناۋىن پايدالانۋ بويىنشا وپەراتسيالاردى ىسكە اسىرۋ ءۇشىن تالاپ ەتىلۋى مۇمكىن كەلىسىمدەردىڭ كەز كەلگەن تۇرلەرىن جاساي الادى جانە مۇنداي كەلىسىمدەردىڭ ەرەجەلەرى كەلىسىمشارتتىڭ ەرەجەلەرىنە قايشى كەلمەۋى ءتيىس. 6. كەلىسىمشارتتاردا مەملەكەتتىك مۇددەلەردى ءبىلدىرۋ زاڭدارعا, قازاقستان رەسپۋبليكاسى پرەزيدەنتىنىڭ جارلىقتارىنا جانە/نەمەسە تاپسىرمالارىنا, قازاقستان رەسپۋبليكاسى ۇكىمەتىنىڭ, قۇزىرەتتى ورگاننىڭ جانە ولاردىڭ قۇزىرەتى شەگىندە وزگە دە مەملەكەتتىك ورگانداردىڭ شەشىمدەرىنە جانە/نەمەسە تاپسىرمالارىنا, سونداي-اق مۇناي-گاز, ەنەرگەتيكا جانە تاۋ-كەن سالاسىن دامىتۋ بويىنشا قازاقستان رەسپۋبليكاسىنىڭ ۇكىمەتى جانىنداعى كونسۋلتاتيۆتىك-كەڭەسشى ورگانداردىڭ شەشىمدەرىنە سايكەس جۇزەگە اسىرىلادى. قۇزىرەتتى ورگان ۇلتتىق كومپانيامەن جەر قويناۋىن پايدالانۋ سالاسىنداعى مەملەكەتتىك ساياساتتىڭ نەگىزگى باعىتتارىن وزگەرتۋ مۇمكىندىگىن ەسكەرە وتىرىپ, مىندەتتى ۇلەستىك قاتىسۋمەن كەلىسىمشارتتاردا بىرىڭعاي مەملەكەتتىك ساياساتتى ىسكە اسىرۋدىڭ نەگىزگى قاعيداتتارى تۋرالى مەموراندۋم جاساسادى. 7. «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسى زاڭىنىڭ 31-بابى 1-تارماعىنىڭ 1) تارماقشاسىنا جانە كەلىسىمشارتتا بەلگىلەنگەن تارتىپپەن جەر قويناۋىن پايدالانۋ بويىنشا وپەراتسيالاردى جۇرگىزۋ كەزىندە مەملەكەتتىك مۇددەلەردى ساقتاۋعا, ونىڭ ىشىندە: 1) قازاقستان رەسپۋبليكاسىندا ءوندىرۋشى سالالار قىزمەتىنىڭ اشىقتىعى باستاماسىنىڭ تالاپتارىن ساقتاۋ بويىنشا; 2) جوعارى تەحنولوگيالاردى جانە كەن ورىندارىن بارلاۋ مەن پايدالانۋدىڭ وڭ پراكتيكاسى پايدالانۋ نەگىزىندە جەر قويناۋى رەسۋرستارىن ەكونوميكالىق ءتيىمدى يگەرۋگە, سونداي-اق ادامداردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋگە; 3) جوعارى تەحنولوگيالاردى, جاڭا جانە وڭدەۋشى وندىرىستەردى دامىتۋ مەن پايدالانۋعا, ينفراقۇرىلىمدىق جانە وزگە دە وبەكتىلەردى قۇرۋعا جانە بىرلەسىپ پايدالانۋعا ىقپال ەتەدى. 8. ۇلتتىق كومپانيانىڭ ۇلەسىن تومەندەتۋ ناتيجەسىندە ۇلەستىك قاتىسۋ مولشەرى وسى قاعيدالاردىڭ 4-تارماعىندا كورسەتىلگەن ورگاندار قابىلدايتىن شەشىمدەرگە ىقپال ەتۋ مۇمكىندىگىن قامتاماسىز ەتۋى ءتيىس. 9. ۇلتتىق كومپانيا وزگە جەر قويناۋىن پايدالانۋشىلار جەر قويناۋىن پايدالانۋعا بۇرىن جاساعان كەلىسىمشارتتاردا ساتىپ الىنعان قاتىسۋ ۇلەسىن باسقارۋدى وسى كەلىسىمشارتتاردىڭ ەرەجەلەرىن ەسكەرە وتىرىپ جۇزەگە اسىرادى. 3. كونكۋرس قورىتىندىلارى بويىنشا جاسالعان كەلىسىمشارتتاردا ۇلتتىق كومپانيانىڭ مىندەتتى قاتىسۋ ۇلەسىن ايقىنداۋ 10. ۇلتتىق كومپانيانىڭ مىندەتتى ۇلەستىك قاتىسۋى بار كەلىسىمشارتتاردا ۇلتتىق كومپانيانىڭ وپەراتوردىڭ جارعىلىق كاپيتالىنداعى قاتىسۋ ۇلەسى كەمىندە ەلۋ پايىزدى قۇراۋعا ءتيىس. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 13 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11035 بولىپ ەنگىزىلدى.